COMEZA A RODAXE DA NOVA CURTA DE JAIRO IGLESIAS
O luns 4 de setembro na vila de Malpica de Bergantiños comezará a rodaxe da nova curta do realizador santiagués Jairo Iglesias. Belén Constenla protagoniza xunto a Miguel Borines, María Castro e Fernando Morán unha historia de amor e soidade na costa da morte. ‘Ó marido de Rosa levouno o mar fai tempo e intenta vivir dos recordos, pero descobre que non son suficientes para calmar o baleiro de tantos anos de soidade’ en palabras do director. Supón a primeira curta en galego do realizador santiagués ‘porque esta historia non tería sentido noutra lingua, é unha historia galega, próxima e real’. A curta conta co apoio da Xunta de Galicia, producida por produccionesRETRATO e coproducida por Formatoriginal. Tamén contan coa colaboración do Concello de Malpica, PousadaSon e Dobleclic.info. Na páxina web www.rosadosventos.es pódese ler un diario de rodaxe do director mentres está sendo deseñada outra páxina web especial para a promoción. Tamar Novas foi o director de cásting da curta, facendo un traballo espléndido, e o equipo que traballou con Iglesias nos seus anteriores traballos mantense practicamente igual. A curta terá unha duración aproximada de 17 minutos e gravarase en Alta Definición.
INFORMACIÓN DE PRODUCIÓN
DURACIÓN APROXIMADA 17 minutos.
FORMATO DE GRAVACIÓN ALTA DEFINICIÓN
LOCALIZACIÓNS MALPICA DE BERGANTIÑOS ( A CORUÑA)
RODAXE SETE DÍAS
SINOPSE
O marido de Rosa non volverá. Levouno o mar.Ela busca consolo nos recordos pero descobre que non son suficientes para calmar o baleiro de tantos anos de soidade.
CONTACTO
Para máis información pode contactar en:
PÁXINA WEB DA CURTA – www.rosadosventos.es
0 comentarios